Ang Binúkid ay ang wika ng mga katutubong Bukidnón sa bayan ng Manolo Fortich, Valencia, at Malaybalay sa lalawigan ng Bukidnón. 

          Maliban sa mga katutubong Bukidnón, matatagpuan din sa lalawigan ang ibang grupo tulad ng mga Tinalaándig, Higaúnon, Ilokáno, Ilónggo, at Sebwáno. Sa mga grupong ito, Sebwáno ang naging maimpluwensiya kayâ bukod sa Binúkid, marunong din ng wikang Bisayà ang mga Bukidnón. Ang kabataan naman, partikular ang mga nakapag-aaral, ay natututo ng wikang Filipíno at Inglés na mga wikang panturo sa paaralan.