Agtâ Irayá ang tawag sa wika ng mga Agtâ na naninirahan sa silangang bahagi ng Lawa ng Buhi sa lalawigan ng Camarines Sur, partikular sa mga barangay ng Irayá (kilalá rin sa tawag na Del Rosario), San Buena, at Santa Elena. Agtâ Irayá ang tawag sa wika ng mga Agtâ na naninirahan sa silangang bahagi ng Lawa ng Buhi sa lalawigan ng Camarines Sur, partikular sa mga barangay ng Irayá (kilalá rin sa tawag na Del Rosario), San Buena, at Santa Elena.

          Bunga ng pakikisalamuha sa ibang grupo sa kanilang rehiyon, natutuhan na ng mga Agtâ Irayá ang mga wikang Bíkol at Rinkonada. Tinatáyang 90% sa kanila ang nakauunawa ng Bíkol; samantálang 50% ang nakauunawa ng Rinkonáda. Nakaiintindi rin silá ng Filipino lalo na iyong mga nakapag-aral.

          Sa kasalukuyan, nása dalawa hanggang anim na porsiyento (2%–6%) na lámang ng mga Agtâ ang nagsasalita ng Agtâ Irayá. Ginagamit na lámang nilá ito kapag kapuwa Agtâ ang kausap. Kahit ang kabataan ay halos hindi na ito ginagamit at nása dalawang porsiyento (2%) na lámang sa kanila ang nakauunawa ng Agtâ Irayá.