Bolináw ang tawag sa wika ng mga Bolinawnón na nanininirahan sa Isla ng Anda at mga barangay ng Binabalian, Concordia, Dewey, Germinal, Goyodin, Lucero, Luciente 1st, Luciente 2nd, Liwa-Liwa, Pilar, Salud, at Victory sa bayan ng Bolinao, Pangasinan. 

          Bolináw ang unang wikang natututuhan ng mga katutubong Bolinawnón, kasunod ang wikang Ilokáno na lingua franca sa rehiyon. Natututuhan din nilá ang Filipíno at Inglés na ginagamit na mga wikang panturo sa paaralan.