Hamtikánon ang tawag sa wika ng grupong Áti na naninirahan sa lalawigan ng Antique, partikular sa Barangay Tina sa bayan ng Hamtic at sa mga bayan ng Valderama at Laua-an. Hamtikánon ang unang wikang natututuhan ng mga batàng Hamtikanon sa loob ng kanilang komunidad hanggang sa sila’y makapag-aral at matuto ng Filipíno at Inglés sa paaralan. Sa paaralan din, kung hindi man sa komunidad, natututuhan ng mga Áti ang wikang Kinaráy-a na lingua franca sa lugar.