Hátang Kayê ang tawag sa katutubong wikang sinasalita ng mga Remontádo na matatagpuan sa lalawigan ng Rizal partikular sa Minanga Sentro, Sityo Sari, Sityo Labnu, at Sityo Paimuhuan ng Barangay Lumutan sa bayan ng General Nakar, Quezon; Sityo Nayon at Sityo Kinabuan ng Barangay Santa Ines sa bayan ng Tanay, Rizal. 

          Nása kalagayang malubhang nanganganib ang wikang ito sapagkat iilang matatandang miyembro na lámang ang nagsasalita nito sa komunidad. Tagalog na ang wikang ginagamit ng kabataan sa loob ng tahanan at sa paaralan.