Ang Subánën ay ang wikang sinasalita ng mga katutubong Subánën sa lalawigan ng Zamboanga del Norte, partikular sa mga bayan ng Katipunan, Sindangan, Siocon, Sirawai, Dipolog, Manukan, Titay, Ipil, Labason, Sibuco, Salug, Kalawit, Tampilisan, Gutalac, Tungawan, Siayan, Manuel Roxas, at Osmeña; gayundin sa ilang bahagi ng Zamboanga, Zamboanga Sibugay, Zamboanga del Sur, at Misamis Occidental.

          Subánën ang unang wikang natututuhan ng mga batàng Subánën. Sa kanilang paglaki ay natututuhan din nilá ang Hiligaynón at Binisayâng Mindanáw na mga rehiyonal na wika sa kanilang lugar. Pagtuntong sa paaralan, nagsisimula naman siláng matuto ng Filipíno at Inglés na mga wikang panturo.