Gubatnón Mangyán ang parehong tawag ng mga katutubong Gubatnón Mangyán sa kanilang sarili at sa wikang kanilang sinasalita. Matatagpuan silá sa bayan ng Magsaysay sa lalawigan ng Occidental Mindoro. 

          Tagálog ang lingua franca sa lalawigan ng Mindoro kayâ ito ang pangalawang wikang natututuhan ng mga Gubatnón Mangyán. Ang wikang ito rin ang ginagamit niláng wika sa pakikisalamuha sa mga hindi Gubatnón Mangyán. Ginagamit naman na wikang panturo ang Filipíno at Inglés sa mga paaralan bagaman hindi lahat ay nakakapagsalita ng Inglés at tanging ang mga nakapag-aral lang ang marunong nitó.*

*datos mula sa isinagawang dokumentasyon ng KWF noong 2017