Menuvú
Menuvú
Ang Menuvú ay ang wika ng mga katutubong Menuvú na naninirahan sa lalawigan ng Bukidnon. Isa silá sa pitóng pangunahing grupo sa lalawigan at matatagpuan partikular sa mga bayan ng Pangantucan at Kalatungan na itinuturing na sentro ng grupo. May mga grupo rin ng Menuvú sa mga lalawigan ng Davao, Butuan, Cotabato, at Surigao.
Kasámang namumuhay ng mga Menuvú sa paligid ng Bundok Kalatungan ang mga grupo ng Talaandíg, Higaúnon, at Manóbo Matigsálug kayâ hindi maiwasang matutuhan nilá ang wika ng mga grupong ito. Gayumpaman, nananatiling mataas ang pagtingin ng mga Menuvú sa kanilang katutubong wika. Sa katunayan, nananatili siláng monolingguwal hanggang sa matutuhan nilá ang Binisayâng Mindanáw—isa sa mga wikang panturo—kasabay ng Filipíno at Inglés pagtuntong nilá sa eskuwelahan. Nakaiintindi at nakapagsasalita rin silá ng mga wikang Binúkid at Mëranaw.
*datos mula sa isinagawang dokumentasyon ng KWF noong 2018
| Pangalan ng Wika | Menuvú/Manúvu |
| Iba pang Tawag sa Wika (alternate names) | Minenuvú |
| Pangkat na Gumagamit ng Wika | Menuvú, Manóbo Pulangiyon |
| Sigla ng Wika | Tiyak na nanganganib (KWF Res 18-33, s. 2018) |
| Klasipikasyon | Greater Central Philippine, Manobo, Central, Central West |
| Mga Kilalang Wikain (dialects) | |
| Populasyon | 39,628 (PSA 2020 Census of Population and Housing ) |
| Bilang ng Sambahayan na Gumagamit ng Wika | 4,674 (PSA 2020 Census of Population and Housing ) |
| Lokasyon | Brgy. San Vicente, Brgy. Miaray, Brgy. Dolorosa, Brgy. Poblacion, Brgy. Barongcot, Brgy. New Visayas, Brgy. Sagbayan, Brgy. Osmeña, Brgy. Kapalaran, at Brgy. Bugwak sa Dangcagan, Bukidnon Ilang barangay sa mga bayan ng Pangantucan, Kalilangan, Kitaotao, Kibawe, Maramag, Quezon, Damulog, at Don Carlos sa Bukidnon |
| Sistema ng Pagsulat | |
| Iba pang Talâ |
Responses