Menu
Agtâ Irayá
Agtâ Irayá ang tawag sa wika ng mga Agtâ na naninirahan sa silangang bahagi ng Lawa ng Buhi sa lalawigan ng Camarines Sur, partikular sa mga barangay ng Irayá (kilalá rin sa tawag na Del Rosario), San Buena, at Santa Elena.
Bunga ng pakikisalamuha sa ibang grupo sa kanilang rehiyon, natutuhan na ng mga Agtâ Irayá ang mga wikang Bíkol at Rinkonada. Tinatayang siyamnapung porsiyento (90%) sa kanila ang nakauunawa ng Bíkol; limampung porsiyento (50%) ang nakauunawa ng Rinkonáda. Nakaiintindi rin silá ng Filipino lalo na iyong mga nakapag-aral.
Sa kasalukuyan, nása dalawa hanggang anim na porsiyento (2%–6%) na lámang ng mga Agtâ ang nagsasalita ng Agtâ Irayá. Ginagamit na lámang nilá ito kapag kapuwa Agtâ ang kausap. Kahit ang kabataan ay halos hindi na ito ginagamit at nása dalawang porsiyento (2%) na lámang sa kanila ang nakauunawa ng Agtâ Irayá.
| 1. Pangalan ng Wika | Agtâ Irayá |
| 2. Iba pang tawag sa wika (alternate names) | Agta, Inagta Iraya, Itbeg Rugnot |
| 3. Pangkat na gumagamit ng wika | Agta |
| 4. Sigla ng Wika | Malubhang nanganganib (KWF Res 18-33, s. 2018) |
| 5. Klasipikasyon | Greater Central Philippine, Central Philippine, Bikol, Coastal |
| 6. Mga kilalang wikain (dialects) | |
| 7. Populasyon | 113 (ang datos ay mula sa 20% percent sample households ng NSO noong 2010) |
| 8. Lokasyon | silangang bahagi ng lawa ng Buhi partikular sa barangay ng San Buena, Santa Elena, at Iraya (Del Rosario), Buhi, Camarines Sur |
| 9. Sistema ng Pagsulat | |
| 10. Iba pang talâ |
Mga Pag-aaral ng KWF
KWF Repositoryo ng mga Wika at Kultura ng Pilipinas 2021
Para sa mga komento at suhestiyon, maaaring mag-email sa kwf.repositoryo@gmail.com
KINAKAILANGANG MAGPA-REGISTER
Upang maakses ang tampok na ito ng website, kinakailangang magrehistro upang magkaroon ng akawnt.
