Agtâ Isaróg ang tawag sa wika ng grupo ng Agtâ na nakatira sa mga bayan na nakapalibot sa paanan ng Bundok Isaróg gaya ng Goa, Lagonoy, Ocampo, Sagnay, at Tigaon sa lalawigan ng Camarines Sur. Agtâ, Inagtâ Isaróg, Inagtâ Partído, Isaróg Agtâ, at Agta Katubung ang iba pang tawag sa grupo at wika.
Bukod sa kanilang katutubong wika, marunong ang halos lahat ng Agtâ Isaróg ng wikang Bíkol at Bíkol Rinkonáda. Marunong din ang ilan sa kanila ng Filipíno at Inglés dahil sa pakikisalamuha sa mga dayo, turista, at sa mga nakatalagang sundalo sa lugar.
Sa kasalukuyan, iisang Agtâ Isaróg na lámang ang matatas na nakapagsasalita ng kanilang katutubong wika dahil mas sinasalita na ang wikang Bíkol at Bíkol Rinkonáda ng mga bagong henerasyon ng mga Agtâ Isaróg.
1. Pangalan ng Wika
Agtâ Isaróg
2. Iba pang tawag sa wika (alternate names)
Agtâ, Inagtâ Isaróg, Inagtâ Partído, Isaróg Agtâ, at Agta Katubung
3. Pangkat na gumagamit ng wika
Agta
4. Sigla ng Wika
Malubhang Nanganganib (KWF Res 18-33, s. 2018)
5. Klasipikasyon
6. Mga kilalang wikain (dialects)
wala
7. Populasyon
1 (KWF 2015)
8. Lokasyon
Mga bayan na nakapalibot sa paanan ng
Bundok Isaróg gaya ng Goa, Lagonoy, Ocampo, Sagnay, at Tigaon sa lalawigan ng Camarines Sur
9. Sistema ng Pagsulat
10. Iba pang talâ
Posibleng wala nang tagapagsalita. May mga nag-ulat na mayroon pang mga tagapagsalita nito na lumipat na ng tirahan.