Agutaynë́n ang tawag sa wika ng mga katutubong Agutaynen na naninirahan sa lalawigan ng Palawan, partikular sa isla ng Agutaya; sa mga barangay ng Dagman, Osmeña, at San Jose de Oro sa bayan ng Araceli; sa Barangay Jose Rizal sa bayan ng Aborlan; sa mga barangay ng Narra, San Nicolas, at Sandoval sa bayan ng Roxas; sa mga barangay ng Kemdeng, New Agutaya, at San Isidro sa bayan ng San Vicente; at sa mga bayan ng Taytay, Linacapan, at Brooke’s Point. 

          Bukod sa kanilang katutubong wika, marunong rin ang mga Agutaynë́n ng wikang Tagálog na lingua franca sa lalawigan. Natututo rin silá ng Filipíno at Inglés mula sa paaralan.