Ang Áyta Ambalá ay ang wika ng mga katutubong Áyta Ambalá na naninirahan sa Barangay Bayanbayanan, Tubo-tubo, at Payangan sa bayan ng Dinalupihan, Bataan; sa Barangay Tipo, Mabiga, at Bamban sa bayan ng Hermosa, Bataan; sa Lungsod Olongapo, Zambales; at mga bayan ng Castillejos at San Marcelino, Zambales.
Áyta Ambalá ang unang wikang natututuhan ng mga katutubong Áyta Ambalá, kasunod ang Ilokáno at Sambál na karaniwan niláng naririnig sa mga kalapít na grupo at mga dayo sa kanilang lugar. Natututuhan din nilá ang Filipino na wikang panturo sa kanilang mga paaralan.
*datos mula sa isinagawang dokumentasyon ng KWF noong 2018