Ang Bángon Mangyán ay ang wika ng katutubong Bángon Mangyán na matatagpuan sa paligid ng Ilog Binagaw sa Bongabong at sa mga nakapalibot na bundok sa bayan ng Bongabong, Bansud, at Gloria sa Oriental Mindoro. 

Bángon Mangyán ang unang wikang natututuhan ng mga batàng Bángon Mangyán dahil ito ang wika sa kanilang tahanan. Ito rin ang wikang ginagamit sa loob ng komunidad hanggang sa lumaki silá at matuto ng wikang Tagálog sa labas ng komunidad at Filipíno at Inglés na mga wikang panturo sa paaralan.