Iní ang tawag sa wika ng mga Romblománon sa bayan ng Romblon, San Agustin, Magdiwang, San Fernando, at Cajidiocan sa lalawigan ng Romblon; at sa ilang bahagi ng Oriental Mindoro. Kilalá rin ang wikang ito sa tawag na Romblománon, Tiyad Iní, Basi, Niromblon, o Sibuyanon. 

Bukod sa wikang Iní, marunong din ang mga Romblománon ng ibang wika. Ang mga Romblománon sa isla ng Sibuyan ay karaniwang nakaiintindi at nakapagsasalita ng Aklánon, Hiligaynón, at Tagálog. Ang wikang Filipíno at Inglés naman ay natututuhan nilá sa eskuwelahan at sa pamamagitan ng eksposyur sa midya.