Kaluyánën ang tawag sa wikang sinasalita ng mga Kaluyánën sa pulo ng Caluya sa lalawigan ng Antique. Kilalá rin ang grupo sa pangalang Kaluyánen, Kaluyánun, at Kaluyanhón. 

Semirara ang kilaláng diyalekto ng Kaluyánon, bagaman may iba pang mga wikang sinasalita sa ibang lugar na hawig dito, tulad ng wikang sinasalita sa Ilin (Iling), Ambulong, Tadlok, Sibalat, Banban, Alibog, at Maasin sa lalawigan ng Mindoro; at sa Batbatan at Maniguin (Maningning) sa bayan ng Culasi, Antique. 

Bukod sa Kaluyánën, marunong din ng wikang Hiligaynón ang mga Kaluyánën. Halos pantay lámang ang pagkatuto nilá sa kanilang unang wika na Kaluyánën at pangalawang wika na Hiligaynón.