Sambál ang tawag sa wika ng grupong Sambál na matatagpuan sa kanlurang baybayin ng gitnang Luzon at bahagi ng gitnang kapatagan ng Luzon, at sa ilang bayan sa lalawigan ng Zambales.
Ang wikang Sambál ay mas gamitín ng mga nakatatanda ng komunidad kaysa ng mga nakababatang henerasyon. Gayumpaman, natututuhan na ito ng kabataang Sambál dahil ginagamit na itong wikang panturo sa mga paaralan kasabay ng mga wikang Filipíno at Inglés.