Isa ang Sebwáno sa mga pangunahing wika ng Pilipinas. Sinasalita ito ng mga grupong Sebwáno at ng iba pang pangkating etniko sa isla ng Cebu, Negros Oriental, Bohol, Siquijor, Agusan, Bukidnon, Davao, Lanao del Norte, Surigao, Misamis Oriental, Leyte, Zamboanga del Sur, mga bahagi ng Masbate, at sa ilang bayan ng Cotabato. Kilalá rin ang wikang ito sa tawag na Sinugbuanong Binisaya, Sugbuhánon, Sugbuánon, Visayà, Bisayà, at Binisayâ.