Ang Surigawnón ay ang wikang sinasalita ng mga grupong Surigawnón sa mga lalawigan ng Surigao del Norte at Surigao del Sur; Isla ng Dinagat; at sa mga bayan ng Kitcharo at Jabonga sa lalawigan ng Agusan del Norte.  

Surigawnón at Sebwano ang lingua franca sa mga nabanggit na lugar kayâ naman bukod sa kanilang katutubong wika, nakaiintindi at nakapagsasalita rin ng wikang Sebwano ang mga Surigawnón. Marunong rin silá ng mga wikang Filipíno at Inglés, lalo na iyong mga nakatuntong sa paaralan.