Yógad ang tawag sa wika ng mga katutubong Yógad na isa sa mga pangunahing grupo sa lalawigan ng Isabela at naninirahan partikular sa bayan ng Echague, Jones, at Sierra Madre

Sa bayan ng Echague matatagpuan ang sentro ng grupo na pinanirahan ng pinamalaking bílang ng mga Yógad. Para sa mga tagalabas, lalo na sa mga Ilokáno, kilalá rin ang mga Yógad sa tawag na Kaggi. Ilokáno ang rehiyonal na wika sa lalawigan kung kayâ kasabay ng pagkatuto ng kanilang katutubong wika, natututuhan din ng mga batàng Yógad ang Ilokáno. Bukod dito, marunong rin ang karamihan sa kanila ng wikang Filipino at Ingles.