Pahánan Ágta ang tawag sa wika at grupo ng mga katutubong Ágta Pahánan na matatagpuan sa lalawigan ng Isabela sa bayan ng Palanan, partikular sa barangay Diago, Dipaggiden, Dimatog, Dialnawan, Disukad, Culasi, Dialomanay, Disokod, at Dibungko sa bayan ng Palanan, Isabela. Nása Dibungko ang sentro ng komunidad; sa bayan ng Divilacan partikular sa barangay Bicobian, Dibulos, Dicambangan, Dicaruyan, Dicatian, Dilakit, Dimpamnat, Dimapula, Dimasalansan, Dipudo, Ditarum, at Sapinit. May mangilan-ngilan ding naninirahan sa bayan ng Maconacon at Reina Mercedes, Isabela.

          Bukod sa kanilang sariling wika ay nakaiintindi at nakapagsasalita ang mga Pahánan Ágta ng wikang Filipíno at Inglés dahil sa impluwensiya ng mga dayuhang nagtutungo sa lugar gayundin ng paggamit ng mga makabagong teknolohiya gaya ng cellphone, panood ng telebisyon, at iba pa.