Manóbo Agúsan ang tawag sa wika ng mga katutubong Manóbo Agúsan na naninirahan sa mga lalawigan ng Agusan del Sur, Agusan del Norte, at Surigao del Sur, gayundin sa ilang bahagi ng lalawigan ng Bukidnon at Davao del Norte.

          Bukod sa kanilang katutubong wika, nakapagsasalita at nakaiintindi rin ang mga Manóbo Agúsan ng Binisayâng Mindanáw, Filipíno, at Inglés. Natututuhan nilá ang Binisayâng Mindanáw mula sa mga Bisayàng kanilang nakasasalamuha samantálang ang Filipíno at Inglés naman ay natututuhan nilá sa eskuwelahan.