Boînën ang tawag ng mga katutubong Buhînon sa kanilang wikang sinasalita. Matatagpuan silá sa bayan ng Buhî sa lalawigan ng Camarines Sur. 

          Ligtas ang estado ng wikang Boînën sapagkat ito ang ginagamit ng lahat ng henerasyon sa loob ng tahanan at sa buong komunidad. Ito rin ang unang wikang natututuhan ng kabataan at ginagamit na rin ngayon sa loob ng paaralan.

          Bukod sa wikang Boînën, marunong ang halos lahat ng Buhînon ng wikang Rinkonáda at Bíkol. Marunong din ang ilan sa kanila ng Filipíno at Inglés dahil sa pakikisalamuha sa mga dayo at turista sa lugar, at sa midya.