Chabacáno ang pangkalahatang tawag sa wikang creole na nagmula sa pinaghalong Español at isa o higit pang mga wika sa Pilipinas.  Tinatawag rin itong Philippine Spanish Creole (PSC) at sinasalita sa Lungsod Cotabato, Lungsod Zamboanga, Zamboanga del Sur, Zamboanga del Norte, Zamboanga Sibugay, Basilan, Sulu, Tawi-Tawi, Cotabato City, Davao City, at Cavite.

Ang mga nagsasalita ng Chabacáno ay tinatawag ayon sa lugar na kanilang pinagmulan: Zamboangueño-Chabacáno para sa mga mula sa Zamboanga; Davaoeño- Chabacáno para sa mga nasa Davao; Cotabateño-Chabacáno sa mga mula sa Cotabato;  at Caviteño-Chabacáno  para sa mga mula sa Cavite. 

Isang varayti ng wikang ito ang  Bahra na isang subdiyalekto ng varayting Caviteño-Chabacáno na sinasalita sa Ternate at Lungsod Cavite, partikular sa mga barangay ng Uno-Poblacion, Barangay Dos, Barangay Tres, at Barangay San Jose.