Gáddang

Gáddang ang tawag sa wika  ng mga katutubong Gáddang na matatagpuan sa lalawigan ng Nueva Vizcaya partikular sa mga bayan ng Bagabag, Bayombong, Diadi, Quezon, Solano, at  Villaverde;  Brgy. Anonat, Poblacion, Buringal, Bacarri, at Bananao, Mt. Province;  sa lalawigan ng Isabela partikular  sa mga  bayan ng Angadan, Echague, Gamu, Burgos, San Mateo, Tumauini,  Reina Mercedes, at sa lungsod ng  Cauayan at Santiago; lalawigan ng Quirino partikular sa bayan ng Diffun; at sa lalawigan ng Aurora. Ang iba pang tawag sa wika ay Gaddanes, Gadang, Gadan, Ga’dan.  Kilalá rin ang mga grupo sa tawag na Kági o Caggi na nangangahulugang “táong naninirahan sa Lambak Cagayan.”


May tatlong kilaláng wikain ang wikang Gáddang: ang Gáddang (Nueva Vizcaya), Gádang (Isabela), at Gâdang (Paracelis, Mountain Province).  Maliban sa mga varayting ito, iisa lang ang Gáddang na sinasalita ng mga katutubong Gáddang kasabay ng Ilokáno na lingua franca sa rehiyon.  Nakaiintindi at nakapagsasalita rin silá ng mga wika ng mga kalapit na grupo tulad ng Ayángan, Ibanág, Ifugáw, Isináy, Kalangúya, Tagálog, at Yógad. Natututuhan naman ng kabataang Gáddang ang Filipíno at Inglés na mga wikang panturo sa paaralan.

1. Pangalan ng Wika Gáddang
2. Iba pang tawag sa wika (alternate names) Gaddanes, Gadang, Gadan, Ga’dang
3. Pangkat na gumagamit ng wika Gáddang
4. Sigla ng Wika Di-ligtas (KWF Res 18-33, s. 2018)
5. Klasipikasyon Northern Luzon, Northern Cordilleran, Cagayan Valley, Ibaganic
6. Mga kilalang wikain (dialects) Gáddang (Nueva Vizcaya), Gádang (Isabela), Gâdang (Paracelis, Mountain Province)
7. Populasyon 10, 451 (LEF 2018/Nueva Vizcaya census of population by ethnicity 2018) 29,055 (NSO 2010 R-II)
8. Lokasyon Mga bayan ng Bagabag, Solano, Bayombong, Villaverde, Quezon, at Diade, Nueva Vizcaya; Brgy. Anonat, Poblacion, Buringal, Bacarri, at Bananao, Mountain Province; Angadan, Cauayan, Echague, Gamu, Burgos, San Mateo, Tumauini, Reina Mercedes, at lungsod ng Santiago, Isabela; Diffun, Quirino; Aurora
9. Sistema ng Pagsulat Titik/Alpabetong Romano
10. Iba pang talâ

Mga Pag-aaral ng KWF

KWF Repositoryo ng mga Wika at Kultura ng Pilipinas 2021

Para sa mga komento at suhestiyon, maaaring mag-email sa kwf.repositoryo@gmail.com

KINAKAILANGANG MAGPA-REGISTER

Upang maakses ang tampok na ito ng website, kinakailangang magrehistro upang magkaroon ng akawnt. 

May restriksiyon