Isnë́g ang tawag sa wika ng mga Isnëg na naninirahan sa bundok ng Apayao, partikular sa mga bayan ng Calanasan, Kabugao, Conner, Luna, at Pudtol. May ilan ding maliliit na komunidad sa ilang bayan ng Ilocos Norte at Cagayan ang gumagamit ng wikang ito. 

          Ilokáno ang rehiyonal na wika sa Apayao kayâ karamihan sa mga Isnëg ay marunong ng wikang ito. Natututuhan din nilá ang Filipíno at Inglés pagtuntong sa paaralan bagaman maliit na porsiyento lámang sa kanila ang pormal na nakapag-aaral.