Kabaliánon ang tawag sa wika ng mga katutubong Kabaliánon na naninirahan sa ilang komunidad sa bayan ng San Juan sa Katimugang Leyte. 

          Bukod sa kanilang katutubong wika, nakaiintindi at nakapagsasalita rin ang mga Kabaliánon ng Sebwáno na rehiyonal na wika sa lugar. Marunong din silá ng wikang Filipíno at Inglés, na kasabay ng Sebwáno ay ginagamit na mga wikang panturo sa paaralan.