Manóbo Arománën ang tawag sa wika at grupo ng mga Manóbo na naninirahan sa mga bayan ng Carmen, Libungan, Midsayap, Pikit, Banisilan, Matalam, Kabacan, President Roxas, Pigcawayan, Libungan, at Alamada sa Hilagang Cotabato.
Iilang Manóbo Arománën na lámang ang nanatiling monolingguwal, at ito ay ang nakatatandang henerasyon na patúloy pa ring nabubuhay sa mga liblib na lugar ng rehiyon at hindi naaabot ng mga wika ng mga kalapit na grupong etnolingguwistiko tulad ng Magindanáwon sa hilaga, Mëranáw sa timog, Mënuvú Úbo sa silangan, Manóbo Matigsálug sa kanluran, Ilónggo, at Ilokáno.
Ang mga kasalukuyan at nakabábatàng henerasyon naman ay nakaiintindi at nakapagsasalita, bukod pa sa mga wika ng mga kalapit na grupo, ng Binisayâng Mindanáw, Hiligaynón, at Filipino. Iyong mga nakapag-aaral ay natututo na rin ng wikang Inglés.
1. Pangalan ng Wika
Manóbo Arománën
2. Iba pang tawag sa wika (alternate names)
3. Pangkat na gumagamit ng wika
Manóbo Arománën
4. Sigla ng Wika
Di-ligtas (KWF Res 18-33, s. 2018)
5. Klasipikasyon
Greater Central Philippine, Manobo
6. Mga kilalang wikain (dialects)
7. Populasyon
5,714 (NSO 2010 R-XII)
8. Lokasyon
Hilagang Cotabato (bayan ng Carmen, Libungan, Midsayap, Pikit, Banisilan, Matalam, Kabacan, Pres. Roxas, Pigcawayan, Libungan, at Alamada)