Ang Manóbo Dibabawón ang wikang sinasalita ng grupong Manóbo Dibabawón na matatagpuan sa hilagang-silangang bahagi ng Davao del Norte, partikular sa bayan sa Asuncion (Saug), Davao del Norte, at sa mga bayan ng Monkayo, Laak, at Montevista sa Compostela Valley. 

Bukod sa kanilang katutubong wika, nakaiintindi at nakapagsasalita rin ang mga Manóbo Dibabawón ng Binisayâng Mindanáw at Mansáka dahil sa pakikisalamuha nilá sa mga grupong ito. Natututuhan naman nilá ang Filipíno at Inglés sa eskuwelahan.