Parefu keppay yo pabballa-ballay na sapit na Gaddang so Filipino.
2.1 Kaangwan na paballay na Gaddang
Ilawum na tata a pokable, tata a konsonante anna pokable, adwa onnu oddu kepay a konsonante anna tata a pokable ino paballay so sapit na Gaddang. Yo letra K e mangibaggi si konsonante anna yo letra P e mangibaggi si pokable.
Kaangwanna | Gangngariyan |
P | a•tu |
KP | no•not, ngi•pan* |
PK | ud•di |
KPK | bag•gi, na•tang* |
KKP | fri•tu |
KKPK | prin•ter |
KPKK | ward |
KKPKK | tsart |
KKPKKK | prints |
*Digrafu yo ng. Kanggamma sapitan na digrafu, tata letra udde adwa yo turakna. Massimbulu si fonema a /ƞ/ yo digrafu a NGng.
2.2 Pabballa-ballay
Ino tumuntufad e antu ino panuntulan ira so pabballa-ballay na Gaddang:
2.2.1 Massirina a paballay ino nakaturak a mattaruntufad a pokable.
Gangngariyan:
siin /si•in/
sooy /so•oy/
maatal /ma•a•tal/
So passapit ana a bangnga-bangngatan a ipit so nallatanan na adwa a pokable.
2.2.2 Nu ana adwa a mattuntufad a konsonante so tangnga na sapit, ibulun yo palungu a konsonante so palungu a paballay, kunsi ino mekadwa a konsonante e mattabalin a parte na tumufad a paballay.
Gangngariyan:
banwet /ban•wet/ ‘bingwit’
sintaw /sin•taw/ ‘saan’
inandila /i•nan•di•la/ ‘uri ng kakanin’
kaddat /kad•dat/ ‘damo’
ballang /bal•lang/ ‘trumpo’
dammat /dam•mat/ ‘bigat’
baggat /bag•gat/ ‘bigas’
2.2.3 Nu ino palungu so tallu ira a mattataruntufad a konsonante e M, N, onnu NG anna ino metufad e maski nenay so BL, BR, TR, PL, anna PR, ino palungu a konsonante (M, N, onnu NG) e ibulun so palungu a paballay anna ino adwa a mattuntufad a konsonante e ibulun so metufad a paballay.
Gangngariyan:
BL- asembliya /a•sem•bli•ya/
BR- alambri /a•lam•bri/
TR- engkwentru /eng•ku•wen•tru/
PL- kumpletu /kum•ple•tu/
PR- kompromisu /kom•pro•mi•su/
2.2.4 Si panunturu na pabballa-ballay na sapit so Kindergarten anna Grade 1, meyusa ino pattumpak takesi maammuwan nu pigya a paballay ino tata a sapit.
2.3 Asoddag a Paballay
Ino paballay a ana a asoddag a pokable ā, ē, ō, anna ū neyarig a asoddag a paballay. Nu ino gagangay a paballay e ana tata patumpak, ino asoddag a paballay pay e ana tata patumpak a binulunan si pakurba a paddutung na kamat so alangan.
Gangngariyan:
mapēt ‘mapait’ dāt ‘buhangin’
dēt ‘tahi’ dā ‘dugo’
bāt ‘saging’ kūn ‘kugon’
dōn ‘dahon’ būk ‘buhok’
fūt ‘tanong gōd ‘ikmo’
2.4. Nu ana mattuntufad a ipit so sapit, ekwanan si panapit a paipit ( ` ) ino pokable so palungu a paballay. So pabballa-ballay so kunna sitaw a sapit ira, ino palungu a pokable anna palungu a ipit e mallawum si tata paballay; mesina a paballay pay ino mekadwa a ipit anna pokable. Itan diyaw se awan a neyakwa a panapit meantu so mekadwa a ipit. Ino gafuna iyaw e meantu so 2.2.1, ana a bangnga-bangngatan a ipit so nallatanan na metura turak a mattaruntufad a pokable.
Gangngariyan:
gumàimfun /gu•mà•im•fun/ ‘ingat-yaman’ nàanggaman /nà•ang•ga•man/ ‘kinalulugdan’ nàakkan /nà•ak•kan/ ‘nakain’
Karapatang-sipi © 2019 ng Kagawaran ng Edukasyon Dibisyon ng Nueva Vizcaya, Dibisyon ng Isabela, Dibisyon ng Lungsod Cauayan, Dibisyon ng Lungsod Santiago; Translators Association of the Philippines, Inc.; at ng Komisyon sa Wikang Filipino.
Disenyo ng aklat ni Kimberly De Jesus
RESERBADO ANG LAHAT NG KARAPATAN. Walang bahagi ng librong ito ang maaaring sipiin o gamitin nang walang nakasulat na pahintulot mula sa may-akda at tagapaglathala.
Catalog-in-Publication data
Recommended entry:
Ortograpiya ng Gaddang / Kagawaran ng Edukasyon, Dibisyon ng Nueva Vizcaya. — Manila : Komisyon sa Wikang Filipino, [2019], c2019.
100 pages, 13.97cm x 20.32cm
ISBN 978-621-8064-87-4
Inilathala ng KOMISYON SA WIKANG FILIPINO
Gusaling Watson, 1610 Kalye JP Laurel
1005 San Miguel, Maynila
Tel. 02-8733- 7260 • 02-8736- 2525
Email:komisyonsawika@gmail.com
Website: www.kwf.gov.ph
Upang maakses ang tampok na ito ng website, kinakailangang magrehistro upang magkaroon ng akawnt.