Ang Hanunoó Mangyán ay ang wika ng mga katutubong Hanunoó Mangyán na naninirahan sa mga bayan ng Mansalay, Bulalacao, at ilang bahagi ng Bongabong sa Oriental Mindoro at sa bayan ng San Jose Occidental Mindoro.
Isa ang Hanunoó Mangyán sa walong pangkat ng Mangyán na matatagpuan sa Mindoro. Kilala rin sila sa tawag na Mangyán Hanunoó o kaya’y Mangyán bagaman mas madalas silang tawaging Hanunoó upang matukoy mula sa ibang grupong Mangyán.
May ilang kilalang varayti ng Hanunoó Mangyán: ang Binli, Bulalakawnon, Kagankan, Waigan, at Wawan na sinasalita sa mga sityo ng Baqilan, Langat, Malutuk, at Umaban sa bayan ng Barañunan. Maliban sa mga varayting ito, sinasalita rin ng mga Hanunoó Mangyán ang wikang Binisayâ na isa mga maimpluwensiyang wika ng lugar. Halos lahat din mga Hanunoó ay nakapagsasalita ng Filipíno at Inglés lalo na iyong mga nakapag-aral.
1. Pangalan ng Wika
Hanunoó Mangyan
2. Iba pang tawag sa wika (alternate names)
Hanunoó Mangyan
3. Pangkat na gumagamit ng wika
Hanunoó Mangyan
4. Sigla ng Wika
Ligtas
5. Klasipikasyon
Greater Central Philippine, South Mangyan
6. Mga kilalang wikain (dialects)
Bulalakawnon, Kagankan, Waigan, at Wawan
7. Populasyon
29,348 (NSO 2010 R-IV-B)
8. Lokasyon
Mansalay, Bulalacao, Bongabong, Oriental Mindoro; San Jose, Occidental Mindoro